أقولك كلام جد كده رغم انه لا يودي ولا يجيب ؟؟
طول ما إحنا مركزين أوي نصنف نفسنا ونصنف اللي حوالينا عمرنا ما هانتغير بجد
أصل التفضيل ده له معيار وحيد وهو التقوى ودي حاجة قلبية عمر ما حد يقدر يجزم بوجودها من عدمه وده بحس كأن ربنا بيقولنا اتعاملوا مع بعض كسواسية لأن ذرة كبر هاتخلي نهايتك مش لطيفة وللأسف كل هواة التصنيف - إلا من رحم ربي - لازم هايطلعوا نفسهم الأفضل وهايركزوا في عيوب الآخر وحتى لو لم تكن عيوبًا فيكفي انهم فقط ليسوا على ذات الجانب .
التصنيف ينتج عنه فرقة وتناحر وعمر ده ما هايجيب تغيير للأفضل ..
عارفة ؟؟
أكيد أنا مش أم العريف يعني وغالبًا بقع في غلطات من النوع ده .. بس الحمد لله في جرس بيرن ساعتها .. لكن ده ميخلينيش اختلف أوي .. لو قدرت أتحكم في اني أشتغل على نفسي وأشوف عيوبها بس وقتها هايكون في أمل فيّ بجد .
أقولك ؟؟
أصل مجرد اني براقب الآخرين وبحلل عيوبهم وبنظر بالكلمتين اللي قلتهملك دول يعني اني بدي لنفسي حق مش بتاعي ..
لما أوصل للبعد عن التنظير الأجوف وأوصل لمرحلة اني انشر اللي شيفاه صح من غير ما خلي اللي قدامي غلط واسيب له حرية التفكير والوصول لطريقه باقتناعه وقتها يبقى في أمل فيّ .
حاجة أخيرة بقى .. شكلي أخيرًا هاتجنن قريب ومش هايبقى لينا غير بعض بقى ونتكلم براحتنا !
ليست هناك تعليقات:
إرسال تعليق